في امثلة كتير بتقول ان الافكار هي سبب الافعال و انا مش جاي هنا اقول عكس الكلام ده خالص . بس ….. عادي جدا ان يكون عندك افكار شريرة و رغم ذلك تبقي افعالك خير … الفكرة هنا في الإرادة مش في الأفكار وذي ما قلت في بوست كتبته قبل كده "القوة مش في انك عندك افكار كويسة و خير .. القوة الحقيقية ان يكون عندك افكار شريرة وتقدر تعمل كل الحاجات الشريرة و مع ذلك قوة حبك و ارادتك و رفضك للشر هي اللي تخليك تعمل الخير " الفكرة بردو هنا هتقول عليها غريبة بس ده ناس كتير بتعمله و هما ممكن ميخدوش بالهم… زي مثلا واحد قتل قريب شخص معين فيجي الشخص الاخير تجيله افكار انتقام و كمان يبقي عنده المقدرة انه ينتقم لكن بقوة كونية و ارادته و ادراكه انه بكده مش هيفرق عنه لو قتله فيتغاضي عن القتل .. المثل التاني و احد بيكره شخص معين لكن بادراكه ان الشخص ده ضعيف في تصرفاته لنقل السخيفه بيعامله حلو لكن اكيد مش لدرجه توصل النفاق.. الخلاصه هنا عادي يبقي عندك افكار شريرة ودي جزء طبيعي من كونك انسان بتحب و تكره.. بس زي ما قلت الفكره في ارادتك و قوه كونيه و ادراكك انك تتغاضي عن الشر … ما تكرهش نفسك عشان عندك افكار شريره حبها و افهم لازمتها و تغاضي عن التصرفات و ليس الافكار…
